ᐊᑐᕈᓐᓇᕐᓂᖅ ᐃᓄᐃᑦ ᓄᓇᖁᑎᖏᓐᓂᒃ

ᐊᑐᕈᓐᓇᕐᓂᖅ ᐃᓄᐃᑦ ᓄᓇᖁᑎᖏᓐᓂᒃ

ᐱᓕᕆᐊᖑᖃᑦᑕᖅᑐᓄᑦ ᐃᓚᐅᑉᓗᒍ, ᑐᒃᓯᕋᐅᑎᒥᒃ ᖃᐃᑦᑎᔪᖃᕌᖓᑦ, ᓄᓇᓕᕆᔨᒃᑯᑦ ᐅᖃᖃᑎᖃᖅᐸᒃᑐᑦ ᓄᓇᓕᖕᓂ ᓄᓇᓕᕆᓂᕐᒧᑦ ᑲᑎᒪᔨᓂᒃ ᐊᒻᒪᓗ ᐊᑐᓕᖁᔭᐅᔪᑦ ᒪᓕᑦᑎᐊᖅᑎᑕᐅᕙᒃᑐᑦ ᐊᑐᐊᒐᕆᔭᐅᔪᒃᑯᑦ ᕿᒥᕐᕈᔾᔪᑕᐅᔪᓂᒃ ᒪᓕᒐᓕᕆᔨᓄᑦ ᑎᒥᐅᔪᓄᑦ/ᑲᑎᒪᔨᓄᑦ ᑲᒪᔨᐅᖃᑕᐅᔪᓄᑦ ᓄᓇᓂᒃ ᐊᐅᓚᑦᑎᔨᐅᓂᕐᒧᑦ ᓄᓇᕗᒥ.

ᑕᒪᐃᓐᓄᑦ ᐊᒻᒪᓗ ᓇᓕᐊᖕᓄᑐᐃᓐᓇᖅ ᖃᓄᐃᓕᐅᕈᑕᐅᔪᒪᔪᓄᑦ ᐃᓄᐃᑦ ᓄᓇᖁᑎᖏᓐᓂᒃ ᑭᕙᓪᓕᕐᒥ, ᐱᔭᕆᐊᖃᕋᓗᐊᖅᐸᑕ ᐱᔪᓐᓇᐅᑎᒥᒃ, ᐊᑐᖅᑐᐊᕈᑎᒥᒃ ᐅᕝᕙᓘᓐᓃᑦ ᓚᐃᓴᓐᓯᒥᒃ, ᐅᖃᐅᓯᐅᔭᕆᐊᓕᒃ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓄᓇᓕᕆᔨᒃᑯᖏᓐᓄᑦ.

ᓯᕗᓂᑐᖄᒍᑦ ᐊᖏᖅᑕᐅᓯᒪᔭᕆᐊᖃᖃᑦᑕᖅᑐᑦ ᐃᓄᐃᑦ ᓄᓇᖁᑎᖏᓐᓂᒃ ᐊᑐᕐᓂᐊᕐᓗᑎᒃ ᑭᓇᑐᐃᓐᓇᕐᒧᑦ ᐅᑯᐊ ᐱᔾᔪᑎᒋᑉᓗᒋᑦ:

  • ᐊᐅᓚᑦᑎᓂᐊᕐᓗᓂ ᓇᖕᒥᓂᕆᔭᕐᒥᒃ, ᑮᓇᐅᔭᓕᐅᕈᑎᒋᓂᐊᖅᑕᒃᑯᑦ, ᐅᕝᕙᓘᓐᓃᑦ ᐃᓄᐃᑦ ᐃᓚᐅᖃᑕᐅᓗᑎᒃ ᐃᓄᐃᑦ ᓄᓇᖁᑎᖓᓂᒃ;
  • ᐅᔭᕋᖕᓂᐊᕐᓂᒃᑯᑦ ᐅᕝᕙᓘᓐᓃᑦ ᐅᒃᑯᓯᒃᓴᖅᓯᐅᕐᓂᐊᕐᓗᓂ ᖃᓄᐃᑦᑐᑐᐃᓐᓇᕐᓂᒃ (ᐃᓚᐅᖃᑕᐅᙱᖦᖢᒍ ᓴᓇᙳᐊᒐᒃᓴᖅ, ᐃᓄᐃᑦ ᑕᒡᕘᓇᓕ ᐱᔪᓐᓇᐅᑎᖃᑦᑎᐊᖅᑐᑦ ᐃᓗᐃᑦᑐᒃᑯᑦ);
  • ᐱᙳᐊᕐᓂᒃᑯᑦ ᓄᓇᒥᒃ ᐊᑐᕐᓂᐊᕐᓗᓂ; ᐅᕝᕙᓘᓐᓃᑦ
  • ᐱᔪᓐᓇᐅᑎᖃᕐᓂᒃᑯᑦ.

ᐱᒻᒪᕆᐊᓗᒃᑯᑦ ᐃᓕᖅᑯᓯᑐᖃᑎᒍᑦ, ᐃᑦᓴᕐᓂᑕᓕᕆᓂᒃᑯᑦ, ᐊᒻᒪᓗ ᐊᖑᓇᓱᖕᓂᒃᑯᑦ ᐊᑑᑎᖃᖅᑎᓪᓗᒋᑦ ᓄᓇᐃᑦ ᐅᖅᓱᕆᐊᓂ, ᒥᑎᓕᖕᒥ ᐊᒻᒪᓗ ᐊᕐᓇᖅᑯᐊᒃᓵᕐᒥ ᑖᑉᑯᐊ ᓄᓇᐅᔪᑦ ᑕᓯᐅᔭᕐᔪᐊᑉ ᑲᓇᖕᓇᖓᓂ, ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᒻᒪᕆᐊᓗᒃᑯᑦ ᓇᖕᒥᓂᖁᑎᓖᑦ ᑖᑉᑯᓂᙵ ᓄᓇᓂᒃ. ᐱᒻᒪᕆᐊᓗᒃᑯᑦ ᓇᖕᒥᓂᖁᑎᖃᕐᓂᖅ ᐲᖅᓯᓯᒪᕙᒃᑐᖅ ᐱᔪᓐᓇᐅᑎᒋᔭᐅᔪᓂᒃ ᐃᓄᖕᓄᑦ (ᓄᓇᖃᖅᑲᖅᓯᒪᙱᑦᑐᓄᑦ ᐃᓚᐅᖃᑕᐅᑉᓗᒋᑦ ᐅᒥᐊᕐᔪᐊᑦ ᐳᓚᕋᖅᑎᓂᒃ ᐅᓯᔪᑦ ᐊᒻᒪᓗ ᐊᓯᖏᑦ ᐊᓯᖏᓐᓂᒃ ᓄᓇᓕᕐᔪᐊᕐᓂᙶᖅᑐᑦ ᐅᒥᐊᕐᔪᐊᑦ) ᐊᑐᕈᓐᓇᕐᓂᕐᒧᑦ, ᐊᖑᓇᓱᒍᓐᓇᕐᓂᕐᒧᑦ ᐆᒪᔪᓂᒃ, ᐅᕝᕙᓘᓐᓃᑦ ᐃᑳᕐᓂᐊᕐᓗᓂ ᑕᒪᒃᑯᓂᙵ ᓄᓇᓂᒃ ᐊᖏᖅᑕᐅᓯᒪᙱᓪᓗᑎᒃ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓄᓇᓕᕆᔨᒃᑯᖏᓐᓄᑦ.

ᐊᑐᕈᓐᓇᕐᓂᖅ ᐃᓄᐃᑦ ᓄᓇᖁᑎᖏᓐᓂᒃ – ᒪᓕᒃᑕᒃᓴᑦ ᑕᑕᑎᕈᑏᓪᓗ (ᐃᓛᒃᑰᖅᑐᑦ ᓄᓇᓂᒃ ᐊᐅᓚᑦᑎᓂᕐᒧᑦ ᐃᑭᐊᖅᑭᕕᒃᑯᑦ)

ᐊᕙᑎᓕᕆᓂᒃᑯᑦ ᐊᐅᓚᑦᑎᔾᔪᑎ – (ᓯᓚᑖᓂᙶᖅᑐᖅ ᑎᑎᖅᑲᖃᕐᕕᒃ ᖃᕆᑕᐅᔭᒃᑯᑦ)