ᐃᓕᖅᑯᓯᑐᖃᑎᒍᑦ ᐃᑲᔫᑎᑦ

ᐃᓕᖅᑯᓯᑐᖃᓕᕆᓂᒃᑯᑦ ᐃᑲᔫᑎ

ᑭᐊᑭᐊᖅ ᐸᓂᖓ ᓄᓇᒦᓐᓂᐅᕙᒃᑐᖅ

ᑕᒪᓐᓇ ᐱᕕᒃᓴᑦᑎᐊᕙᒻᒪᕆᐊᓗᒃ ᐃᓄᖕᓄᑦ ᐊᕐᓇᐅᔪᓄᑦ ᐃᓕᑦᑎᔪᒪᔪᓄᑦ ᐃᓕᖅᑯᓯᑐᖃᑎᒍᑦ ᐊᔪᙱᓐᓂᕆᔭᐅᔪᓂᒃ ᓲᕐᓗ ᐊᒥᓕᕆᓂᕐᒥᒃ ᕿᓯᓕᕆᓂᕐᒥᒃ ᐊᒻᒪᓗ ᒥᖅᓱᕐᓂᕐᒥᒃ, ᐊᒻᒪᓗ ᐊᑦᑕᓇᖅᑐᖃᙱᑦᑐᒃᑯᑦ ᐃᓕᑦᑎᕕᒃᓴᑦᑎᐊᕚᓗᒃ ᐊᒻᒪᓗ ᐊᒥᓱᖅᑳᕐᕕᐅᕙᒃᑐᖅ ᐃᓕᖅᑯᓯᑐᖃᑎᒍᑦ ᖃᐅᔨᒪᔭᐅᔪᓂᒃ ᓄᓇᒦᖦᖢᓂ. ᐃᓄᒃᑎᑐᑦ ᐅᖃᐅᓯᕐᒥᒃ ᐊᑐᖅᖢᑎᒃ ᐃᓕᓐᓂᐊᖅᑎᑕᐅᕙᒃᑐᑦ.

ᑭᐊᑭᐊᖅ ᐸᓂᖓ ᓄᓇᒦᓐᓂᐅᕙᒃᑐᖅ ᒪᓕᒃᑕᒃᓴᑦ ᑕᑕᑎᕈᑏᓪᓗ (ᐃᓕᓐᓂᐊᕐᓂᐊᖅᑐᑦ ᐊᒥᓲᓂᖏᑦ ᑭᒡᓕᖃᖅᑎᑕᐅᓲᑦ)

ᑭᐊᑭᐊᖅ ᐃᕐᓂᖓ ᓄᓇᒦᓐᓂᐅᕙᒃᑐᖅ

ᑕᒪᓐᓇ ᐱᕕᒃᓴᑦᑎᐊᕙᒻᒪᕆᐊᓗᒃ ᐃᓄᖕᓄᑦ ᐊᖑᑕᐅᔪᓄᑦ ᑭᕙᓪᓕᕐᒥ ᐃᓕᑦᑎᔪᒪᔪᓄᑦ ᐃᓕᖅᑯᓯᑐᖃᑎᒍᑦ ᐊᖑᓇᓱᖕᓂᐅᕙᒃᑐᓂᒃ, ᓄᓇᒥᓗ ᐱᐊᓂᒍᑕᐅᖃᑦᑕᖅᓯᒪᔪᓂᒃ ᐊᒻᒪᓗ ᐃᖕᒥᓂᒃ ᑲᒪᑦᑎᐊᕈᓐᓇᖅᓯᔪᓐᓇᕐᓂᕐᒧᑦ ᓄᓇᒦᖦᖢᓂ ᐃᓄᒃᑎᑐᑦ ᐅᖃᐅᓯᕐᒥᒃ ᐊᑐᖅᖢᑎᒃ ᐃᓕᓐᓂᐊᖅᑎᑕᐅᕙᒃᑐᑦ.

ᑭᐊᑭᐊᖅ ᐃᕐᓂᖓ ᓄᓇᒦᓐᓂᐅᕙᒃᑐᖅ ᒪᓕᒃᑕᒃᓴᑦ ᑕᑕᑎᕈᑏᓪᓗ (ᐃᓕᓐᓂᐊᕐᓂᐊᖅᑐᑦ ᐊᒥᓲᓂᖏᑦ ᑭᒡᓕᖃᖅᑎᑕᐅᓲᑦ)

ᐱᔪᓐᓇᖅᓯᓂᖅ ᐃᓕᖅᑯᓯᑐᖃᑎᒍᑦ ᓄᓇᒦᖦᖢᓂ ᐃᓕᓐᓂᐊᕈᑎ

ᑖᒻᓇ ᓄᓇᒦᓐᓂᐅᕙᒃᑐᖅ ᐃᓄᖕᓄᑦ ᒪᒃᑯᒃᑐᓄᑦ ᑐᕌᖓᔪᖅ ᐅᑭᐅᓕᖕᓄᑦ 14-ᓂᒃ 19-ᒧᑦ, ᐱᕕᒃᓴᖃᖅᑎᑦᑎᔪᖅ ᒪᒃᑯᒃᑐᓄᑦ ᐃᓕᑦᑎᔪᓐᓇᖁᑉᓗᒋᑦ ᐃᓄᐃᑦ ᐃᑦᓴᕐᓂᑕᖏᓐᓂᒃ. ᓄᓇᒦᓐᓂᐅᕙᒃᑐᖅ ᑭᕙᓪᓕᕐᒥ ᓄᓇᓕᐅᑉ ᖃᓂᒋᔭᖓᓂᒃ ᐊᒻᒪᓗ ᖃᓄᐃᓕᐅᖅᑎᑕᐅᕈᓘᔭᓲᑦ ᓲᕐᓗ ᐊᖑᓇᓱᒃᖢᑎᒃ ᐃᖃᓗᒐᓱᒃᖢᑎᒃ, ᐃᓕᖅᑯᓯᑐᖃᑎᒍᑦ ᓴᓇᕐᕈᑎᓕᐅᖅᖢᑎᒃ ᐊᒻᒪᓗ ᒥᖅᓱᖅᖢᑎᒃ.

ᐱᔪᓐᓇᖅᓯᓂᖅ ᐃᓕᖅᑯᓯᑐᖃᑎᒍᑦ ᓄᓇᒦᖦᖢᓂ ᐃᓕᓐᓂᐊᕈᑎ ᒪᓕᒃᑕᒃᓴᑦ ᑕᑕᑎᕈᑏᓪᓗ (ᐃᓕᓐᓂᐊᕐᓂᐊᖅᑐᑦ ᐊᒥᓲᓂᖏᑦ ᑭᒡᓕᖃᖅᑎᑕᐅᓲᑦ)

ᑭᕙᓪᓕᕐᒥ ᑎᑎᕋᐅᔭᕐᓂᕐᒧᑦ ᐃᓕᓐᓂᐊᕈᑎ

ᑕᒪᓐᓇ ᐱᕕᒃᓴᕆᔭᐅᔪᖅ ᐃᓄᖕᓄᑦ ᖃᓄᑐᐃᓐᓇᖅ ᐅᑭᐅᖃᕋᓗᐊᖅᐸᑦ ᑎᑎᕋᐅᔭᕐᓂᕐᒥᒃ ᐃᓕᓐᓂᐊᖅᑎᑕᐅᑉᓗᑎᒃ ᑎᑎᕋᐅᔭᕐᓂᕐᒧᑦ ᐃᓕᓐᓂᐊᖅᑎᑦᑎᔨᓄᑦ ᐱᕚᓪᓕᖅᑎᑦᑎᕙᒃᑐᓄᑦ ᐊᔪᙱᓐᓂᕆᔭᖏᓐᓂᒃ. ᑎᑎᕋᐅᔭᕐᓂᖅ ᐃᓕᓐᓂᐊᖅᑎᑦᑎᒍᑕᐅᓲᖅ ᑕᑯᑎᑦᑎᑉᓗᑎᒃ ᖃᓄᖅ ᐃᓱᒪᖕᒪᖔᕐᒥᒃ ᒪᒥᓴᕐᓂᒃᑯᑦ ᐃᓚᐃᖅᓯᒪᓂᕐᒧᑦ ᕿᒃᓵᖕᓂᒃᑯᑦ, ᑕᑯᑎᑦᑎᔪᓐᓇᖁᑉᓗᒋᑦ ᐅᓂᑉᑲᖅᑐᐊᓂᒃ, ᐊᒻᒪᓗ ᑮᓇᐅᔭᓕᐅᕈᑕᐅᓕᕈᓐᓇᖁᑉᓗᒍ.

ᑭᕙᓪᓕᕐᒥ ᑎᑎᖃᐅᔭᕐᓂᕐᒧᑦ ᐃᓕᓐᓂᐊᕈᑎ ᒪᓕᒃᑕᒃᓴᑦ ᑕᑕᑎᕈᑏᓪᓗ (ᐃᓕᓐᓂᐊᕐᓂᐊᖅᑐᑦ ᐊᒥᓲᓂᖏᑦ ᑭᒡᓕᖃᖅᑎᑕᐅᓲᑦ)

ᑭᕙᓪᓕᕐᒥ ᓄᓇᓕᖕᓂ ᐃᓕᖅᑯᓯᑐᖃᑎᒍᑦ ᖃᓄᐃᓕᐅᖅᑎᑦᑎᔪᒪᓂᕐᒧᑦ ᐃᑲᔫᑎ

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᑮᓇᐅᔭᖅᑕᓖᑦ ᑐᓂᕐᕈᑎᒃᓴᓂᒃ ᐃᑲᔫᑎᒃᓴᓂᒃ ᓄᓇᓕᖕᓄᑦ ᖃᓄᐃᓕᐅᖅᑎᑦᑎᔪᒪᔪᖃᖅᑎᓪᓗᒍ ᐃᓄᐃᑦ ᐃᓕᖅᑯᓯᑐᖃᖏᑦᑎᒍᑦ ᐱᕚᓪᓕᕈᑕᐅᔪᓐᓇᖁᑉᓗᒍᓗ ᐃᓕᑦᑎᔾᔪᑕᐅᓗᓂ ᐊᒻᒪᓗ ᖃᓄᐃᓕᐅᖅᑎᑦᑎᔪᓐᓇᖁᑉᓗᒋᑦ ᖁᕝᕙᖅᑎᕆᓂᕐᒧᓪᓗ ᐅᕝᕙᓘᓐᓃᑦ ᐸᐸᑐᕐᓂᕐᒧᑦ ᐃᓄᐃᑦ ᐅᖃᐅᓯᖓᓂᒃ.

ᐃᓄᐃᑦ ᐊᒻᒪᓗ ᓄᓇᓕᖕᓂ ᑎᒥᐅᔪᑦ ᐆᒃᑐᖃᑦᑕᕈᓐᓇᖅᑐᑦ ᑕᒪᑐᒥᙵ ᑐᓂᕐᕈᓯᐊᒃᓴᒥᒃ ᑕᑕᑎᕆᓗᑎᒃ ᑕᑕᑎᕈᑎᓂᒃ ᐊᑐᐃᓐᓇᐅᔪᓂᒃᑕᐅᖅ ᓄᓇᓕᖕᓂ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᑎᑎᕋᕐᕕᖏᓐᓂᒃ.

ᑭᕙᓪᓕᕐᒥ ᓄᓇᓕᖕᓂ ᐃᓕᖅᑯᓯᑐᖃᑎᒍᑦ ᖃᓄᐃᓕᐅᖅᑎᑦᑎᔪᒪᓂᕐᒧᑦ ᐃᑲᔫᑎ ᒪᓕᒃᑕᒃᓴᑦ ᑕᑕᑎᕈᑏᓪᓗ