ᑮᓇᐅᔭᑎᒍᑦ ᐃᑲᔫᑎᑦ

ᑮᓇᐅᔭᑎᒍᑦ ᐃᑲᔫᑎᑦ

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐅᒃᐱᕈᓱᒃᑐᑦ ᐱᕙᓪᓕᐊᑎᑦᑎᔭᕆᐊᖃᕐᓂᕐᒥᒃ ᓄᓇᓕᖕᓂ ᖃᓄᐃᙱᑦᑎᐊᕈᓐᓇᖁᑉᓗᒋᑦ ᐃᓚᒋᐊᕐᓗᒋᑦ ᑮᓇᐅᔭᔾᔭᒃᓴᕈᑏᑦ ᖁᕝᕙᖅᑎᕆᓂᕐᒧᑦ ᐱᔨᑦᓯᕋᖅᑕᐅᔾᔪᑎᒃᓴᖏᓐᓂᒃ ᐊᒻᒪᓗ ᐃᑲᔫᑎᖏᓐᓂᒃ ᓇᖕᒥᓂᓕᖕᓄᑦ ᓄᓇᓕᖕᓂ ᑭᕙᓪᓕᕐᒥ.

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐃᑲᔪᕆᐊᖅᐸᒃᑐᑦ ᐊᔾᔨᒌᙱᑦᑑᑕᐅᔪᒃᑯᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᓂᒃ ᑮᓇᐅᔭᖅᑖᖅᑎᑦᑎᕙᒃᖢᑎᒃ ᖃᐅᔨᓴᐃᓂᕐᒧᑦ, ᐸᕐᓇᐃᓂᕐᒧᑦ, ᓴᖅᑭᑎᑦᑎᓂᕐᒧᑦ, ᐊᐅᓚᑦᑎᓂᕐᒧᑦ ᐅᕝᕙᓘᓐᓃᑦ ᐊᖏᓪᓕᒋᐊᖅᑎᑦᑎᓂᕐᒧᑦ ᓇᖕᒥᓂᖁᑎᒋᔭᖏᓐᓂᒃ. ᑐᕌᒐᕆᔭᖅᐳᑦ ᐃᑲᔪᕈᒪᓂᕐᒧᑦ ᓴᖅᑭᑎᑦᑎᔪᓐᓇᖁᑉᓗᒋᑦ ᐊᑑᑎᖃᖅᑐᓂᒃ ᐊᒻᒪᓗ ᑲᔪᓯᑎᑕᐅᑦᑎᐊᕈᓐᓇᖅᑐᓂᒃ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓴᓇᔭᒃᓴᖅᑖᒃᑲᓐᓂᕈᓐᓇᖁᑉᓗᒍ ᑭᕙᓪᓕᕐᒥ ᓄᓇᓕᖕᓂᒃ ᐊᐅᓚᑦᑎᕝᕕᒋᔭᖏᓐᓂᒃ.

ᑐᓂᕐᕈᑎᒃᓴᑦ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ

ᑐᓂᕐᕈᑎᒃᓴᑦ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ ᓴᖅᑭᑎᑕᐅᓯᒪᔪᑦ ᑮᓇᐅᔭᑎᒍᑦ ᐱᔭᐅᔭᕆᐊᓖᑦ ᐃᓄᖕᓄᑦ ᓴᖅᑭᑎᑕᐅᔪᓐᓇᖃᑦᑕᖁᑉᓗᒋᑦ, ᒥᑭᔪᓄᑦ ᓇᖕᒥᓂᕆᔭᐅᔪᓄᑦ ᐅᕝᕙᓘᓐᓃᑦ ᓄᓇᓕᖕᓄᑦ ᑐᓂᔭᐅᖃᑦᑕᕐᓗᑎᒃ ᑐᓂᕐᕈᓯᐊᓂᒃ $5,000-ᒧᑦ ᑎᑭᓯᒪᔪᒃᑯᑦ ᐊᑐᓂ ᐱᓕᕆᐊᖑᔪᓄᑦ ($10,000. ᐃᓅᓯᓗᒃᑖᒧᑦ ᑭᒡᓕᖃᕐᓗᓂ ᐊᑐᓂ ᐃᓄᖕᓄᑦ) ᓂᐅᕕᕈᑕᐅᔪᓐᓇᖁᑉᓗᒋᑦ ᒥᑭᔪᓂᒃ ᐱᖁᑎᓂᒃ ᐊᒻᒪᓗ/ᐅᕝᕙᓘᓐᓃᑦ ᓴᓇᕐᕈᑎᓄᑦ ᐊᑐᖅᑕᐅᔭᕆᐊᓕᖕᓄᑦ ᐃᓚᕙᓪᓕᐊᖁᑉᓗᒋᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐆᒃᑐᖅᑐᒧᑦ. ᐱᓕᕆᐊᖑᔪᒪᔪᑦ ᐊᖏᖅᑕᐅᔪᑦ ᑮᓇᐅᔭᖅᑖᖅᑎᑕᐅᓂᐊᕐᓂᕐᒧᑦ ᖁᕝᕙᖅᑎᕆᔾᔪᑕᐅᓂᐊᖅᑐᑦ ᓄᓇᓕᖕᒧᑦ ᐱᕙᓪᓕᐊᔾᔪᑎᒃᓴᓂᒃ, ᓇᖕᒥᓂᕆᔭᐅᔪᒧᑦ ᐱᕈᖅᐸᓪᓕᐊᔾᔪᑎᒧᑦ, ᐃᓕᓐᓂᐊᒃᑲᓐᓂᕈᑎᒧᑦ ᐅᕝᕙᓘᓐᓃᑦ ᐃᓚᒋᐊᕈᑕᐅᓗᓂ ᓴᓇᔭᒃᓴᓄᑦ ᐊᒻᒪᓗ ᑮᓇᐅᔭᓕᐅᕈᑎᓄᑦ.

ᑐᓂᕐᕈᑎᒃᓴᑦ ᒥᑭᔪᓄᑦ ᓇᖕᒥᓂᕆᔭᐅᔪᓄᑦ ᒪᓕᒃᑕᒃᓴᑦ ᑕᑕᑎᕈᑏᓪᓗ

ᓇᖕᒥᓂᕆᔭᐅᔪᒥᒃ ᐱᕙᓪᓕᐊᑎᑦᑎᓂᕐᒧᑦ ᑮᓇᐅᔭᖅ

ᓇᖕᒥᓂᕆᔭᐅᔪᒥᒃ ᐱᕙᓪᓕᐊᑎᕐᑎᓂᕐᒧᑦ ᑮᓇᐅᔭᖅ ᐊᑐᐃᓐᓇᐅᔪᖅ ᐃᓄᖕᓄᑦ ᓇᖕᒥᓂᓕᖕᓄᑦ ᑮᓇᐅᔭᖅᑖᕆᐊᖃᖅᓯᒪᔪᓄᑦ ᖁᑦᑎᖕᓂᖅᐹᒃᑯᑦ ᑮᓇᐅᔭᖅᑖᕈᑕᐅᔪᓐᓇᖅᑐᖅ ᐋᖅᑭᒃᓯᒪᑉᓗᓂ $25,000-ᒧᑦ ᑕᓪᓕᒪᐅᔪᒃᑯᑦ ᐊᕕᒃᑐᖅᓯᒪᔪᒃᑯᑦ ᐊᑐᓂ: ᐸᕐᓇᐃᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ, ᓇᖕᒥᓂᓕᖕᒥ ᓴᖅᑭᑎᑦᑎᔪᒪᓂᕐᒧᑦ ᐊᒻᒪᓗ ᐃᓚᒋᐊᖅᓯᔪᒪᓂᕐᒧᑦ, ᓂᐅᕕᐊᒃᓴᖃᖃᑦᑕᕐᓂᕐᒧᑦ, ᐃᓕᓐᓂᐊᒃᑲᓐᓂᕈᑎᒃᓴᓄᑦ, ᐅᕝᕙᓘᓐᓃᑦ ᓇᖕᒥᓂᓕᖕᒧᑦ ᐃᑲᔫᕆᐊᕈᑎᒃᑯᑦ. ᖁᑦᑎᖕᓂᖅᐹᒃᑯᑦ ᑮᓇᐅᔭᖅᑖᕈᑕᐅᔪᓐᓇᖅᑐᖅ ᓇᖕᒥᓂᕆᔭᐅᔪᒧᑦ ᐃᓅᓯᓗᒃᑖᒃᑯᑦ $100,000.

ᓇᖕᒥᓂᕆᔭᐅᔪᒥᒃ ᐱᕙᓪᓕᐊᑎᑦᑎᓂᕐᒧᑦ ᑮᓇᐅᔭᖅ ᒪᓕᒃᑕᒃᓴᑦ ᑕᑕᑎᕈᑏᓪᓗ

ᓇᖕᒥᓂᖅᑕᖅᑐᕐᓂᕐᒧᑦ ᐊᒻᒪᓗ ᓇᖕᒥᓂᓕᖕᒧᑦ ᐱᕙᓪᓕᐊᑎᑦᑎᓂᕐᒧᑦ ᐃᑲᔫᑎ

ᓇᖕᒥᓂᖅᑖᖅᑐᕐᓂᕐᒧᑦ ᐊᒻᒪᓗ ᓇᖕᒥᓂᓕᖕᒧᑦ ᐱᕙᓪᓕᐊᑎᑦᑎᓂᕐᒧᑦ ᐃᑲᔫᑎ ᐃᑲᔫᑕᐅᓇᓱᒃᑐᖅ ᐱᕙᓪᓕᐊᑎᑦᑎᔪᒪᔪᓄᑦ ᐱᕚᓪᓕᕈᓐᓇᖁᑉᓗᒋᑦ ᓄᓇᖃᖅᑳᖅᓯᒪᔪᑦ. ᐃᑲᔫᑎ ᐃᓗᓕᖃᖅᑐᖅ ᐱᓕᕆᐊᖑᔪᒃᑯᑦ ᐃᑲᔫᑎᒥᒃ ᖃᓄᐃᓕᐅᕈᑕᐅᔪᓄᑦ ᓴᖅᑭᑎᑦᑎᔪᒪᓂᕐᒧᑦ ᐃᓚᒋᐊᖅᓯᔪᒪᓂᕐᒧᓪᓗ ᓄᓇᖃᖅᑲᖅᓯᒪᔪᑦ ᓇᖕᒥᓂᖁᑎᖏᓐᓂᒃ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᐅᔪᓐᓇᖅᑐᖅ:

ᐃᓄᐃᑦ ᐃᑲᔫᑎᖏᓐᓂᒃ ᐱᔨᑦᓯᕋᖅᑕᐅᔾᔪᑎᒃᓴᖏᓐᓂᒡᓗ ᑲᒪᔨᒃᑯᑦ
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ
ᐅᖃᓘᑖ: 867-645-5725;
ᐊᑭᖃᙱᑦᑐᖅ: 1-800-220-6581
ᓱᒃᑲᔪᒃᑯᑦ: 867-645-2348

ᐊᐅᔭᒃᑯᑦ ᓴᓇᔪᓐᓇᕐᓂᕐᒧᑦ ᐃᑲᔫᑎ

ᑕᒪᓐᓇ ᐃᑲᔫᑎ ᐃᑲᔫᑕᐅᔪᖅ ᒪᒃᑯᒃᑐᓄᑦ ᐊᐅᔭᒃᑯᑦ ᓴᓇᔪᓐᓇᖅᓯᖁᑉᓗᒋᑦ ᓴᓇᒋᐅᖅᓴᔪᓐᓇᖁᑉᓗᒋᑦ ᐊᒻᒪᓗ ᐱᕙᓪᓕᐊᖁᑉᓗᒋᑦ ᐱᒻᒪᕆᐅᔪᒃᑯᑦ ᐊᔪᕈᓐᓃᖅᓴᕈᓐᓇᕐᓂᕐᒧᑦ ᑐᓴᐅᒪᖃᑦᑕᐅᑎᓕᕆᓂᒃᑯᑦ, ᐃᖢᐊᖏᓕᐅᕈᑕᐅᔪᓂᒃ ᐋᖅᑭᒃᓱᐃᔪᓐᓇᕐᓂᒃᑯᑦ ᐊᒻᒪᓗ ᐱᓕᕆᖃᑎᖃᕈᓐᓇᖅᓯᓂᒃᑯᑦ. ᐃᖅᑭᓖᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐃᓄᐃᑦ ᐊᐅᔭᒃᑯᑦ ᓴᓇᒋᐅᖅᓴᕐᓂᕐᒧᑦ ᐃᑲᔫᑎᖓ ᐃᓚᐅᖃᑕᐅᔪᖅ ᐃᖅᑭᓖᑦ ᑲᑐᔾᔨᖃᑎᒌᒃᑯᖏᑦᑕ ᐊᒻᒪᓗ ᐃᓄᐃᑦ ᒪᒃᑯᒃᑐᑦ ᓴᓇᒋᐅᖅᓴᕐᓂᕐᒧᑦ ᖃᓄᖅᑐᕈᑎᖓᒍᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᐅᔪᓐᓇᖅᑐᖅ:

ᐃᓄᐃᑦ ᐃᑲᔫᑎᖏᓐᓂᒃ ᐱᔨᑦᓯᕋᖅᑕᐅᔾᔪᑎᒃᓴᖏᓐᓂᒡᓗ ᑲᒪᔨᒃᑯᑦ
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ
ᐅᖃᓘᑖ: 867-645-5725;
ᐊᑭᖃᙱᑦᑐᖅ: 1-800-220-6581
ᓱᒃᑲᔪᒃᑯᑦ: 867-645-2348