ᐃᓕᓐᓂᐊᖅᑐᓄᑦ ᐃᑲᔫᑎᑦ

ᐃᓕᓐᓂᐊᖅᑐᓄᑦ ᐃᑲᔫᑎᑦ

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᕙᓪᓕᐊᑎᑦᑎᔪᒪᔪᑦ ᓴᓇᔨᓂᒃ ᐊᔾᔨᒌᙱᑦᑑᑕᐅᔪᒃᑯᑦ ᓴᓇᕝᕕᐅᔪᓐᓇᖅᑐᒃᑯᑦ ᐃᑲᔫᑎᓂᒃ ᓴᖅᑭᑎᑦᑎᖃᑦᑕᕐᓗᑎᒃ ᐃᓄᖕᓄᑦ ᐃᑲᔪᖅᐸᒃᑐᓄᑦ ᐲᔭᐃᔪᓐᓇᕐᓂᕐᒥᒃ ᑐᓗᖅᑕᕈᑎᓂᒃ ᐃᓄᖕᓄᑦ ᐃᓕᓐᓂᐊᕋᓱᒃᑐᓄᑦ ᐊᒻᒪᓗ ᐱᓕᕆᓇᓱᒃᑐᓄᑦ ᐃᓚᐅᖃᑕᐅᔪᓐᓇᖅᓯᖁᑉᓗᒋᑦ ᓴᓇᕝᕕᖕᓂᒃ ᓄᓇᓕᖕᓂ.

ᐊᑐᓂ ᐃᓕᓐᓂᐊᖅᑐᓄᑦ ᑮᓇᐅᔭᑎᒍᑦ ᐃᑲᔫᑎᑦ

ᐊᑐᓂ ᐃᓕᓐᓂᐊᖅᑐᓄᑦ ᐃᑲᔫᑎ ᐃᑲᔫᑕᐅᕙᒃᑐᖅ ᐃᓄᖕᓄᑦ ᓴᓇᔪᓐᓇᖅᓯᖁᑉᓗᒋᑦ ᑮᓇᐅᔭᖅᑖᖅᑎᑕᐅᕙᒃᖢᑎᒃ ᐃᓕᓐᓂᐊᖅᑐᑦ ᐊᖏᖅᑕᐅᓯᒪᔪᕐᒃᑯᑦ ᓴᓇᓂᕐᒧᑦ ᐃᓕᓐᓂᐊᒃᑲᓐᓂᕈᑎᒃᑯᑦ ᐅᕝᕙᓘᓐᓃᑦ ᐃᓕᑕᕆᔭᐅᔾᔪᑎᑖᕐᕕᐅᔪᓐᓇᖅᑐᒥ ᓯᓚᑦᑐᖅᓴᕐᕕᒃᑯᑦ ᐃᓕᓐᓂᐊᕐᕕᒡᔪᐊᕐᒥ.

ᐃᑲᔫᑎ ᐃᑲᔫᑕᐅᕙᒃᑐᑦ ᐃᓕᓐᓂᐊᖅᑐᓄᑦ ᐃᓕᓐᓂᐊᖅᑐᑦ ᑮᓇᐅᔭᖅᑖᖅᑎᑕᐅᑉᓗᑎᒃ ᐃᓕᓐᓂᐊᕈᑎᒧᑦ ᐊᑭᓕᐅᑎᒥᒃ ᐊᒻᒪᓗ ᐅᖃᓕᒫᒐᓄᑦ, ᐊᖏᕐᕋᖅᓯᒪᙱᖦᖢᓂᓗ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖅᑖᕈᑎᒥᒃ, ᐊᑐᕆᐊᖃᖅᑕᖏᓐᓂᒃ ᓂᐅᕕᕈᑎᒃᓴᓄᑦ ᐊᒻᒪᓗ ᐱᖁᑎᓄᑦ, ᖃᖓᑦᑕᐅᑎᒧᑦ, ᐸᐃᕆᕝᕕᖕᓄᑦ ᐊᑭᓕᐅᑎᒧᑦ, ᐊᒻᒪᓗ ᐃᓕᓐᓂᐊᕐᓗᓂ ᐃᑲᔪᖅᑕᐅᔾᔪᑎᒧᑦ.

ᐊᑐᓂ ᐃᓄᖕᓄᑦ ᐃᓕᓐᓂᐊᖅᑐᓄᑦ ᑮᓇᐅᔭᑎᒍᑦ ᐃᑲᔫᑎ ᒪᓕᒃᑕᒃᓴᑦ ᑕᑕᑎᕈᑏᓪᓗ